Николоски: Собранието нема да стаса, нема да има субвенции на плати за октомври
Објавено во: Економија 23 Октомври, 2020
И покрај најавите за субвенционирање на платите за месец октомври, ноември и декември за поддршка на стопанството, законот се уште не е пристигнат во македонското собрание, а и да стигне до понеделник или вторник, Собранието не е нотаријат и не може за пет дена да ја заврши работата, рече Александар Николоски од ВМРО-ДПМНЕ денеска на Сител.
„Она што можам да го кажам како пратеник во македонското собрание е за тој закон профункционира мора да биде усвоен до први ноември, затоа што плата за претходниот месец се дава во следниот месец. Законот се уште не е стигнат во македонското собрание, има некои најави дека ќе стигне во понеделник или во вторник. Собранието да е нотаријат, а не собрание, не може за пет дена да ја заврши работата. Ова е еден несериозен однос од страна на Зоран Заев и од страна на останатите одговорни. Значи најавуваат закон, тој закон не го доставуваат до собранието, на крај го доставуваат до 5 до 12 и очекуваат мерките да се реализираат, што директно ги доведува во опасност стопанството во Македонија, десетици илјади работни места. Да не зборувам за здравствениот дел каде што има комплетен колапс и комплетна стихија во менаџирањето на истите, изјави Николоски.
Владата вчера ги узвои измените и рече дека Законот ќе го испрати во Собрание.
„Со овој закон, се уредуваат условите и постапката за добивање на финансиска поддршка на работодавачите погодени од здравствено-економската криза предизвикана од вирусот КОВИД-19, заради исплата на платите на работниците за месеците октомври, ноември и декември 2020 година, стои во објавата.
Министерството за финансии ги објави деталите