Никола Попоски: Ние сме една точка кај многуте поважни во ЕУ

Добивај вести на Viber

Поранешниот министер за надворешни работи Никола Поповски смета дека Македонија треба да добие датум за преговори со ЕУ, но истовремено порачува дека на тоа не треба да се гледа како на „да се биде, или не“, затоа што овој акт е, како што вели тој во интервјуто за „Независен“, само една точка крај многуте поважни за унијата.

– Да, треба да добиеме. Тоа е само едно писмено упатство кое доцни 14 години, или едно пет до шест влади, кои досега испорачувале. Не треба да е шок ако со ова темпо минат уште блиску толку до членство. Нашите преговори ќе се сосем различни од сите досега. Ако е некој изненаден од последните соопштенија, да знаеме дека ќе се изнагледаме такви чуда допрва. Има начини да се скрати периодот за интеграција, секако, но за тоа ќе треба сите да се надминеме себеси. Мора да сме свесни дека ова е споредна одлука за ЕУ. Излегување на Британија, доверба за нова комисија, аранжманот за мигрантите, трговската војна, данокот за гигантите на интернет… се поважни за земјите членки во ЕУ отколку административно закажување на меѓувладина седница со земја која чекала еден куп години, а можеби ќе чека уште толку до членство. Тоа што кај нас го претставуваме да се биде или не, таму е една точка крај многуте поважни, смета актуелниот пратеник во македонското Собрание.

Тој дополнително за најавените парламентарни избори следната година вели дека најмногу го плаши каква ќе биде бројката на излезност на денот на гласањето.