Никогаш не реков дека друго лице е виновно за случајот Монструм, дециден е премиерот
Објавено во: Македонија 24 Јануари, 2021
Откако обвинителката Фатиме Фетаи посочи дека „бомбите“ не фрлија поинаква светлина на случајот Монструм освен она што јавноста досега го знаеше, новинарите го прашаа денеска премиерот Зоран Заев дали имал информации за некои други лица вмешани во случајот.
„Ако имав информации во изминатите години ќе ги посочев. Никогаш не сум споменал дека друго лице е виновно. Преку читање на пресудите, достапни на тогаш 183 страни, секогаш сум давал одговор на новинарски прашања. Секогаш сум кажувал дека последниот збор е на правосудството. Тие ќе кажат што имаат во врска со случајот“, рече премиерот Заев.