НЕКОЈА ЧУДНА КОРОНА - Мијалков беше позитивен во октомври, како сега пак го нападна
Објавено во: Македонија 24 Февруари, 2021
Не можеле да го најдат органите на прогонот затоа што бил во самоизолација, бидејќи изгорел од висока температура од 40 степени, па се сомневал дека е позитивен на коронавирусот.
Вака Сашо Мијалков се оправда пред јавноста, на која и се извини, пред да се пријави во Обвинителството и да каже дека немал намера да бега.
Но, она што беше чудно, е како човек со симптоми, кој по правило треба да биде во самоизолација, влегува во просторија полна со луѓе.
А уште почудно е што мијалков мисли дека не паметиме оти на средината на октомври лани беше позитивен на коронавирусот.
Тогаш две рочишта за Таргет-Тврдина беа одложени поради тоа што ексдиректорот на УБК прво имаше симптоми, а потоа беше потврдено дека е заразен со ковид-19
Односно, токму за судењето за Таргет -Тврдина, за кое очекува пресуда во петок, и поради која се шпекулираше дека очекува да биде висока и да добие голема затворска казна, беа одложени две рочишта, токму поради здравствената состојба на обвинетиот Мијалков. Односно, првично тоа беше кога неговата сопруга Александра Мијалкова беше позитивна, па тој замина во самоизолација и се тестираше на ковид-19. А вториот пат рочиштето се одложи поради тоа што и самиот Мијалков доби позитивен тест на коронавирусот. Од тие причини беше закажано за ноември лани продолжувањето на судењето.