Нејзината прерана смрт е загуба за нас: Од Ковид-19 почина медицинска сестра од Охрид
Објавено во: Македонија 26 Септември, 2020
Медицинската сестра Дијана Димоска, вработена во ЈЗУ Општа болница Охрид ја изгуби битката со корона вирусот. Последен поздрав до 48-годишната здравствена работничка упатија нејзините колеги на официјалната страница на болницата, порачувајќи дека никогаш нема да ја заборават сестрата која им била омилена на вработените и на пациентите кои доаѓале во болницата.
- Денес Општа Болница Охрид тагува. Нашата медицинска сестра Дијана Димоска родена на 29.9.1971 година во Загреб, ја загуби битката со подмолниот вирус Ковид- 19. Својот професионален ангажман го започна во 1993 година на одделот ОРЛ, потоа во невропсхијатриски оддел, а последните години беше дел од тимот во одделението за интерни болести. Нејзината прерана смрт е голема загуба за нејзиното семејство и за сите нас. Загубивме професионалец, медицинска сестра со ведар дух и топлина. Омилена кај пациентите и кај вработените. Почивај во мир драга сестра Дијана. Твојот ведар лик вечно ќе остане во нашите сеќавања. Со длабока почит Вработените од ЈЗУ Општа Болница Охрид, стои на страницата на болницата денес.