05 Јуни, 2020
0.0318

Не треба да се запрашаме зошто, туку како?

Објавено во: Колумни 21 Октомври, 2019


Не сакам да пишувам за политичката ситуација во Македонија, досадна е како последните дваесет и осум години во кој не гледаме ништо ново. За овие дваесет и осум години независност не успеавме да ја надминеме малограѓанштината во која живееме, не успеавме да седнеме и сериозно да работиме наместо да се фокусираме на тоа „дојди на позиција и кради, што ти е гајле утре ќе те сменат”.

Јасно ни е дека никој нема да оди во затвор, па судиите испаднаа најкорумпирани, да почнеме од Катица и кажано е се.

Знаете, многу е тажно што сите сме свесни дека немаме капацитет за да одиме кон Европа. Сите сте патувале по светот, знаете како се живее во Европа. Македонија денес не е тоа ниво, да не се лажеме. Ова е само едно големо разочарување поради тоа што знаеме дека „кој и да дојде исто ќе биде”. И тоа е најголемиот проблем, надеж веќе нема.

Размислував пред некој ден, како партиите ќе ги убедат генерциите што се денес дваесетгодишни, растени во инстаграм и снапчат светови, на различни идеали и вредности, каква програма ќе пондудат за да ги убедат да ги гласаат? Со зголемен минималец на 14.500 денари? Со закон за пензионирање на 62 години? Или можеби со „името не го даваме и Македонија на Македонците”?

Не поминува таа приказна, Ви недостига визија. Немате визија за идните генерации што треба да Ве гласаат на изборите во март.

Затоа наместо да се запрашате зошто повторно не добивме датум за преговори, размислете како! Како да излеземе од оваа безнадежна ситуација, за иднината на нашата земја и за нашата.

Аријана Коскарова

основач и раководител на Creative Hub


Можеби ќе ве интересира

Битиќи VS Лазаров: Ќе му помогнат ли ваучерите на домашниот туризам

Битиќи VS Лазаров: Ќе му помогнат ли ваучерите на домашниот туризам

КОВИД-19 - шансата на векот за македонската економија?

КОВИД-19 - шансата на векот за македонската економија?

ФЕР e ...

ФЕР e ...

Хоби или бегање од секојдневјето?

Хоби или бегање од секојдневјето?

Производна ориентација на македонскиот агрокомплекс

Производна ориентација на македонскиот агрокомплекс

Наркоманска лицемерна нација!

Наркоманска лицемерна нација!

Трамп го затвора отвореното небо!

Трамп го затвора отвореното небо!

Тоне ли извозот и извозните компании: Битиќи vs Лазаров

Тоне ли извозот и извозните компании: Битиќи vs Лазаров