27 Септември, 2020
0.0379

НЕ СЕ ОТКАЖУВА ТРИ ДЕЦЕНИИ: Прилепчанец има интересна пасија

Објавено во: Македонија 22 Јануари, 2020

Златко Ангелески од Прилеп, има необична пасија. Тој повеќе од 3 децении собира поштенски марки и разгледници.

Ангелески поседува над 120.000 поштенски марки и 15.000 разгледници од целиот свет. Со ова хоби се занимава до ден денес и ужива во колекционерството.

„Поштенски марки почнав да собирам кога бев шесто-седмо одделение, некаде 1984/85 година. Интересот кон филателијата во мене ја разбуди мој комшија. Уште во тоа време бев член на Југословенското филателистичко здружение и марките и списанијата ги добивав по пат на размена. Во текот на војната 1991 година контактите прекинаа, па беше доста тешко да се најдат филателисти за размена. Со појавата на интернетот повторно се најдовме старите пријатели, па најпрво од бившите ЈУ простори, а потоа и со филателисти од целиот свет повторно се активирав. Денес има неколку специјализирани веб страници кои нудат можности за следење на филателистичките изданија, контакти за размена, како и правење на сопствени каталози со што имаме поголема видливост на понуда и размена. Марките најчесто ги добивам по пат на размена, но ако ги нема некои во понуда што ме интересираат, тогаш ги купувам“, вели Ангелески.

Но, додава дека откако станал родител, и децата ги „заразил“ со ова хоби.

„Нив им стана интересно тоа кога ќе го видеа сандачето полно со писма, па така и нив ги „заразив“ со оваа моја пасија. Тие се зачленија во специјализиран сајт за класично допишување со разгледници, па така почнавме со собирање на разгледници“, додава Ангелески.

Вели дека желбата на неговите деца е да имаат разгледници од целиот свет.

„Разгледници имаме добиено од преку 150 земји, а марки речиси од сите држави во светот, но имаме и од оние кои веќе не постојат. Секојдневно испраќаме писма по цел свет за размена “, раскажува Ангелески.

Овој прилепчанец вели дека колекционерството за него е одмор, релаксација, активност која го смирува по напорен ден, а целта му е да собере разгледници од целиот свет.

Ангелески раскажува дека најмaлку размени прави со Македонци, во земјава има многу колекционери, но оние кои се негова целна група се малку.

Сања Атанасовска

Можеби ќе ве интересира

Грантови за турстички агенции, игротеките и рестораните за свадби

Грантови за турстички агенции, игротеките и рестораните за свадби

(ФОТО) Невремето оштети плажа во Охрид

(ФОТО) Невремето оштети плажа во Охрид

Филипче: Има идеја да се патува до Грција и низ цел Балкан без тестови

Филипче: Има идеја да се патува до Грција и низ цел Балкан без тестови

(ВИДЕО) Македонци заглавени во Нов Зеланд: Бараат помош од МНР за пасошите

(ВИДЕО) Македонци заглавени во Нов Зеланд: Бараат помош од МНР за пасошите

Нова уредба за наставата во училиштата денеска на Влада

Нова уредба за наставата во училиштата денеска на Влада

Првиот човек на Заводот за статистика: Добиваме податоци кои се помали од реалната вредност затоа што нема попис

Првиот човек на Заводот за статистика: Добиваме податоци кои се помали од реалната вредност затоа што нема попис

Денеска ќе има и сонце, од утре пак повеќе облаци и дожд

Денеска ќе има и сонце, од утре пак повеќе облаци и дожд

Први рестрикиции би биле забрана на јавни собири: Филипче исклучува карантин во моментов

Први рестрикиции би биле забрана на јавни собири: Филипче исклучува карантин во моментов

Животот на Борче, живот ли е? Емотивна сторија за човекот кој има многу љубов

Животот на Борче, живот ли е? Емотивна сторија за човекот кој има многу љубов