НЕ МОЖАМ НИКАКО ДА СЕ ОПРЕДЕЛАМ, ОСВЕН КАКО МАКЕДОНЕЦ - Љубчо Георгиевски ова им го кажал и на Бугарите
Објавено во: Македонија 07 Март, 2021
Љубчо Георгиевски вели дека не е ништо друго освен Македонец, а тоа, како што потенцира, го кажал и во Бугарија.
Претседателот на ВМРО-Народна партија, како што е познато, деновиве излезе со предлог план за решавање на спорот со Бугарија, но за него премиерот Зоран Заев рече дека е личен став и тој за СДСМ не е прифатлив.
Одговарајќи на прашање како ќе се определи на претстојниот попис, во емисијата „Стадион“ на Канал 77, Георгиевски рече дека и тука и во Бугарија кажал дека тој не може да се определи како ништо друго освен како Македонец.
„Јас тоа секаде сум го кажувал, дури и во Бугарија а последен пат токму на нивното радио Фокус, пред три дена ми го поставија истото прашање. И ним и на сите им велам, јас освен Македонец, не можам никако да се определам“, потенцира лидерт на ВМРО-НП.Во емисијата тој уште еднаш ги повтори своите позиции во однос на историските спорни прашања со Бугарија.