НЕ ИМ ВЕРУВАЈТЕ НА СИТЕ ШТО ЌЕ ВИ СЕ ЈАВАТ - жена „закрпена“ со 2.200 евра
Објавено во: Македонија 26 Јануари, 2020
Постара жена била „закрпена“ за 2.200 евра или 135.500 денари, откако измамник телефонски ја излажал дека нејзиниот син згазил дете, па за да го спасат таа треба да им даде 50 илјади евра.
„На 24.01.2020 во 15,55 часот во СВР Скопје В.Т.(68) пријавила дека истиот ден околу 13,50 часот на домашниот телефон во станот на нејзиниот син и се јавило непознато лице кое и кажало дека наводно нејзиниот син направил сообраќајка, при што згазил дете кое починало. Потоа тој и побарал 50.000 евра за наводно да „среди“ да не биде казнет нејзиниот син, а во спротивно тој би бил казнет со затвор до десет години. Пријавителката му рекла дека немала толку пари по што тој ја прашал колку можела да најде. По кратко време, му дала 135.500 денари на таксист кој го испратило лицето со кое зборувала. Подоцна оштетената исконтактирала со нејзиниот син и сфатила дека била измамена за сума од 135.500 денари. Се работи на расчистување на случајот“, информираа од полицијата.
Ова не е прв случај измамници да наседнуваат лековерни луѓе со измислени приказни.