Не дојдоа сите делегати на конвенцијата на ВМРО-ДПМНЕ
Објавено во: Македонија 16 Февруари, 2019
На Конвенцијата на ВМРО-ДПМНЕ за избор на кандидат кој ќе биде подржан во претседателските избори присутни се 523 гласачи од можни 551.
На истата присутни се и пратениците Даниела Рангелова и Илија Димовски за кој во јавноста се ширеа гласини дека можеби нема да присуствуваат затоа што не се согласуваат со одредени политики на раководството.
Секој од деветте кандидати пријавени на претходниот оглас на ВМРО-ДПМНЕ има право на 15-минутен говор со кој ќе се претстави пред кандидатите. Пратеникот Влатко Ѓорчев рече дека и да не биде избран ќе го поддржи тој што ќе ја добие довербата во изборната кампања.
„Ова е најважниот говор во мојот живот. Ве молам немојте да ме извисите, а јас нема да ве разочарам“, нагласи Ѓорчев.
Претходно лидерот на најголемата опозициска партија Христијан Мицкоски во говорот наведе дека со победа на претседатеските избори ќе му биде даден жолт картон на премиерот Зоран Заев, но и дека стравува од можни манипулации на денот на гласањето.