Наредена уште една масовна евакуација во Австралија
Објавено во: Свет 09 Јануари, 2020
Австралија објави нова масовна евакуација.
Австралиските власти повикаа на уште една масовна евакуација во југозападниот дел на земјата. Жешкото време предизвика нови пожари кои се закануваат на неколку населени места.
Премиерот на државата Викторија, Даниел Ендрус ги повика луѓето да бидат претпазливи. Порача да ги следат советите и ако треба да заминат, да го сторат тоа, затоа што само така ќе бидат безбедни.
Шумските пожари во Австралија горат со месеци.
Дваесет и седум луѓе загинаа, според податоците на сојузната влада, а пожарите изгореа над 10,3 милиони хектари земја, што е отприлика колку територијата на Јужна Кореја.