Најпознатиот албански инфектолог Кало: Прв пат од почетокот на епидемијата нема примени пациенти, ја гледаме светлоста на крајот од тунелот
Објавено во: Балкан 08 Мај, 2021
На Клиниката за
инфективни болести во Тирана, првпат по повеќе од една година од епидемијата на
корона вирусот не е примен ниту еден пациент.
Според Топ чанел ТВ, денеска не може да се забележат блиски на болни кои чекаат во кругот на клиниката.
– Во последните 24 часа во Инфективната клиника не се пријави ниту еден пациент со Ковид-19. Се уште е рано да прогласиме победа, но веќе ја гледаме светлоста на крајот од тунелот, изјави еден од најпознатите инфектолози, професорот Тритан Кало
Освен пациентите погодени од вирусот, кои се лекуваат во домашни услови, во ковид болниците се хоспитализирани 99 пациенти.
Професорот Кало, сепак, апелира до граѓаните и понатаму да бидат внимателни и совесни во почитувањето на мерките и протоколите. Во последното деноноќие од направените 4.516 тестови позитивни на Ковид-19 биле само 89, а починале три лица.
ФОТО: Фејсбук