НАЈГОЛЕМАТА ГРЕШКА ДОСЕГА: Трамп тврди не сакал војна со Иран
Објавено во: Свет 04 Јануари, 2020
„Дејствував за да запрам, а не да започнам војна. Длабоко го почитувам иранскиот народ. Не се обидуваме да го промениме режимот“, изјави американскиот претседател Доналд Трамп откако даде наредба за ликвидација на иранскиот генерал Касем Сулејмани.
„Сулејмани подготвувал скорешни опасни и кобни напади врз американски дипломати и американски војници, но го уловивме во дејстувањето и го ликвидиравме“, изјави Трамп за новинарите во своето летувалиште Мар-а-Лаго на Флорида.
Додека многу светски аналитичари сметаат дека оваа е една од најголемите грешки на Трамп досега, тој вели дека и во иднина ќе се однесува така. Трамп тврди дека ова е предупредување на терористите кои планираат напади врз Американци.
Сулејмани беше втор по важност официјален човек на Иран. Реакциите допрва се разгоруваат. Гардијан пишува дека Трамп не смееше да го дозволи ова. На краток рок може да му помогне во одбарана на ствот дека е еден од најодлучните претседатели, но долгорочно САД вака ја нарушува својата позиција, сметаат аналитичарите.