Најчевска: Овој народ не се плаши од смрт, овој народ не мисли воопшто
Објавено во: Македонија 29 Мај, 2020
Досегашните мерки не се добри не затоа што се сами по себе лоши или погрешни.
Едноставно не се соодветни, не се на соодветен начин објаснети и не допираат до множеството граѓани во државата, напиша на фејсбук професорката Мирјана Најчевска.
Таа вели дека во земјава се умир апостојано од различни причини па додава.
„Во оваа вукојебина луѓето не ги плашиш со смрт.
Ковидот е само уште една од причините на списокот.
Ништо повеќе.
Кога веќе не си покажал желба да се справиш со другите, зошто ова би било нешто посебно?
Кога просекот на живеење ти е осум години понизок од европскиот просек, зошто очекуваш дека мерките кои таму се применуваат ќе имаат исто значење овде?
Овој народ не мисли дека може подобро.
Овој народ воопшто не мисли. Затоа што веќе 30 години немислењето е највисока доблест која повеќекратно се наградува, вели Најчевска.