Добивај вести на Viber
Првата главна премија од 50.000 евра за „МојДДВ#МојаНаграда“ од скенирањето фискални сметки треба да биде извлечена денеска според програмата на Управата за јавни приходи. Ова е една од двете главни награди од 3.000.000 денари, а вториот среќен добитник кој ја користи апликацијата „Мој ДДВ“ ќе биде познат на 19 декември годинава.
Минатиот месец бројката на корисници на апликацијата „Мој ДДВ“ порасна на 262.030 корисници. Од 15 декември започна наградната игра „МојДДВ#МојаНаграда“, а секој месец се доделуваат 15 награди од по 100.000 денари, секој ден се извлекуваат по 10 награди - 4 по 1.000 денари, 3 награди по 2.000 денари и 3 награди по 3.000 денари.
За месечните награди од по 100.000 денари и премиите од 50.000 евра има јавни извлекувања. Вкупниот фонд на #МојаНаграда е половина милион евра за една година, а можат да учествуваат сите полнолетни граѓани кои се регистрирани во системот на е-персонален данок и кои скенираат фискални сметки преку апликацијата МојДДВ.
Добитниците добиваат известување колкава награда добиле. Оние кои при скенирање на сметките не добиле дневна награда, учествуваат во извлекувањата на месечно ниво и на извлекувањата за премиите. Од Министерството за финансии и УЈП често нагласуваат дека мерката МојДДВ, на која се надоврзува наградната игра МојДДВ#МојаНаграда дава одлични резултати.
За една година предвидени се вкупно 3.852 награди и тоа 1.468 награди по 1.000 денари, 1.101 награда по 2.000 денари, 1.101 награда од 3.000 денари, 180 награди по 100.000 денари и 2 награди по 3 милиони денари.
