На протестот за Монструм се повредени 11 полицајци
Објавено во: Македонија 27 Февруари, 2021
Како што информира полицијата, вкупно 11 полицајци се здобиле со полесни повреди вчера на протестот за случајот Монструм.
Во полициска станица се приведени 8 демонстрани на кои ќе им биде поднесена кривична пријава за „учество во толпа што ќе изврши кривично дело“. Нападнати беа и новинарски екипи. Протестот е организиран поради незадоволството на семејствата на обвинетите во случајот Монструм по изрекување доживотни казни затвор на обвинетите Халил Демири, Африм Исмаиловиќ и Агим Исмаиловиќ, казна затвор од 15 години за обвинетиот Фејзи Азири и казна затвор од девет години на обвинетиот Хаки Азири, обвинети за петкратното убиство на пет лица кај Смилковското Езеро на 12 април 2012 година. За Сами Лута, се одбива обвинението.