Муштерија го убил касиерот затоа што два пати го опоменал да стави маска
Објавено во: Свет 21 Септември, 2021
Во Германија, муштерија уби вработен на бензинска пумпа откако го опоменал да стави заштитна маска.
Властите на Трир соопштија дека осомничениот им рекол на полицајците дека дејствувал од гнев кога го застрелал 20-годипниот касиер на бензинската пумпа во Идар-Оберштајн во сојузната покраина Рајнска Област-Пфалц, бидејќи го терал да стави маска.
„Тој при испрашувањето рекол дека се противи на сите мерки за заштита од коронавирусот“, соопшти полицијата.
Снимките од безбедносните камери покажуваат дека осомничениот влегол за да купи пиво и почнал да се расправа со касиерот, откако тој двапати го предупредил дека мора да носи маска внатре. Во многу европски земји луѓето се кренаа на протести против рестрикциите. Во Германија сега се појави страв од радикализација.
foto AP