МОЖНО Е ЗAТВОРАЊЕ НА СКИ-ЦЕНТРИTE ЗА ВИКЕНД: Огромен број новозаразени, ќе ги зајакнува ли Србија мерките?

Добивај вести на Viber

Во наредните денови ќе се следи епидемиолошката состојба и врз основа на тоа ќе се донесе одлука за засилување на мерките. Српскиот Кризниот штаб најавува дека е можна одлука за затворање на ски-центрите.

Како што истакна проф. д-р Бранислав Тиодоровиќ во гостувањето на ТВ Прва, таа мерка веројатно се однесува на претстојниот викенд, со дополнителна контрола на почитувањето на останатите мерки.

- Овој викенд е покритичен поради зголемениот број гости. Можно е да ги затвориме ски-центрите, но рестораните во планинските центри и слични објекти веројатно ќе останат отворени, се разбира, со засилена контрола за почитувањето на мерките, изјави Тиодоровиќ.

Според него, логично е дека затворањето на жичницата би значело помал интерес за планинскиот центар, но ќе се настојува тоа да не се случи.

Тој исто така рече дека има зголемената контрола во зимските центри Копаоник и Златибор, бидејќи, како што рече, најголемиот број новозаразени потекнуваат токму од таму.

- Размислуваме и за скратување на работното време на трговските центри до 16 часот за време на викендите - рече Тиодоровиќ за Телеграф денес.