МОСТАРЦИ ИМ ОЧИТАА ЛЕКЦИЈА НА ХРВАТИТЕ: Им нуделе работа на море, но за какви плати?
Објавено во: Финансии, Балкан 30 Мај, 2019
Во Далмација фалат работници, а кадрите од БиХ ги исполнуваат сите критериуми, но се поставува прашањето како им се исплати да работат како келнери за 650 евра, ако за истото добиваат 2.000 евра во Германија.
Сплитски дневник разговарал со човек кој има 20 години искуство, но наместо Хрватска или Германија, го избрал Мостар.
„Не е дека не сум имал понуди. Пред недела дена човек од Брач инсистираше да работам кај него, во ресторан на што реков дека имам жена и деца, но ми понуди стан и за неа ми понуди да чисти апартмани. Морав да го одбијам, толкава плата ќе заработам и во Мостар во сезона, и дома сум. Не знам, да сум млад можеби би размислил заради морето, но вака не би отишол“, вели тој.
Додава дека имаат гости, добиваат бакшиш, платата му е зголемена и не сака да замине од Мостар. Освен искусни келнери, Мостар е полн со студенти кои сезонски сакаат да работат.
„Се исплати за некој кој не бара многу. Да си го платиш факултетот и нешто за себе да заштедиш. Платите не се нешто големи“, вели 21 годишниот Матео, студент од Мостар.
Тој додава дека оние кои лани биле сезонски во Хрватска, сега не сакаат да одат затоа што платите им се мали.