Моќна земја најави светска војна ако биде нападната

Добивај вести на Viber

Ако ги нападнат САД и Саудиска Арабија, Иран се закани со светска војна. 

Иранскиот шеф на дипломатијата, Мохамед Џавад Зариф, денес, за Си-ен-ен изјави дека секој саудиски или американски воен напад против неговата држава ќе резултира со „целосна војна“.

Американскиот државен секретар Помпео, кој вчера беше во посета на Саудиска Арабија, го поддржа „правото на Ријад да се одбрани“ и порача дека „нема да се толерира“ однесувањето на Иран.

Зариф вели дека висок американски дипломат сакал да го одложи издавањето на визи за иранската делегација на претстојното генерално собрание на ООН. Но, не прецизираше дали тоа можеби е поврзаното со тоа што самиот Зариф се најде на црната листа на САД уште во јули. Зариф ги обвини американските сојузници и функционери дека сакаат да го „наговорат“ претседателот на САД, Доналд Трамп да влезе во војна со Техеран и додаде дека „за нивно добро подобро да се молат да не се оствари тоа што го сакаат“.

Министерството за одбрана на Саудиска Арабија вчера претстави материјален доказ за вмешаноста на иранскиот режим во нападот врз нафтениот објект Абкаик. 

„Податоците што ги собравме од компјутерите на беспилотните летала покажуваат дека тие му припаѓаат на Иран“, рече портпаролот на Саудиското Министерство Турки ал-Малки.

Зариф и натаму ја негира вмешаноста на Иран во нападите.