МОГЕРИНИ: Сега е моментот да се отворат пристапни преговори со Македонија и Албанија
Објавено во: Македонија 15 Октомври, 2019
Високата претставничка за безбедност и надворешна политика на ЕУ, Федерика Могерини вели дека за да се зајакне постигнатиот напред на Балканот, сега е моментот да се отворат пристапни преговори со Северна Македонија и Албанија.
„Се надевам дека нашите лидери во следните денови ќе ја донесат вистинската одлука“, изјави таа.
Во говорот за „Улогата на ЕУ како глобален играч“ на Универзитетот Оксфорд, меѓу другото, Могерини потенцираше дека Унијата мора да се стабилизира и да го обедини сопствениот континент со внесувањето на Западен Балкан во ЕУ.
„Во последните години направивме значајни чекори, почнувајќи од договорот меѓу Грција и Северна Македонија, а важен напредок, и покрај тешкотиите, постигнат е и во дијалогот меѓу Белград и Приштина“, истакна Могерини.
Таа оцени дека сите шест партнери во регионот спровеле клучни реформи и оти лидерите и народите од Западен Балкан станале свесни за важноста од меѓусебната соработка.