МНОГУ ВОЗНЕМИРУВАЧКО ВИДЕО ОД ПАКИСТАН: Изнесуваат делови од тела, за повредените се апелира за дарување крв, закопани се уште стотици под урнатините

Добивај вести на Viber

Се зголемува бројот загинати по експлозијата во пакистан. Веќе има 47 загинати, а 150 се повредени во бомбашкиот напад врз џамија во пакистанскиот град Пешавар.

Дел од зградата е уништен, а властите велат дека луѓето се затрупани под урнатините.

Повеќето од загинатите се припадници на полицијата, а се претпоставува дека тие биле цел на нападот. Првичните информации укажуваа дека бомбашот, кој седел во првиот ред, се разнел, но тоа не е потврдено. Ниту една група се уште не ја презела одговорноста за бомбашкиот напад.

Началникот на полицијата во Пешавар, Мухамед Ијаз Кан, за локалните медиуми изјави дека во моментот на експлозијата во областа биле присутни меѓу 300 и 400 полицајци.

Премиерот Шехбаз Шариф остро го осуди нападот.

Во изјавата на Шариф се наведува дека оние кои стојат зад инцидентот „немаат ништо заедничко со исламот“.

„Целата нација е обединета против терористичкиот напад“. Експлозијата се случила околу 13 часот и 30 минути за време на попладневната молитва во градот во северозападниот дел на земјата, во близина на границата со Авганистан.

Снимките на социјалните мрежи, проверени од Би-Би-Си, покажуваат дека половина ѕид е урнат. Џамијата е покриена со тули и уништена додека луѓето се качуваат по урнатините за да се спасат. Спасувачката операција продолжува во внатрешноста на џамијата, додека „телата се извлекуваат на површината“, изјави Шафиулаф Кан, заменик градоначалник на Пешавар. „Во моментов, наш приоритет е да ги спасиме закопаните луѓе“, додаде Кан.

Мохамед Асим, портпарол на локалната болница Лејди Рајдинг, изјави дека некои од повредените се во критична состојба.

„Ова е итен случај“, додаде тој.

Болницата Лејди Ридинг прогласи вонредна состојба, а здравствената установа за Би-Би-Си изјави дека сè уште прима жртви од експлозијата - и апелира за дарување крв.

Пакистанските талибанци се меѓу групите кои извршија напади во минатото. Тие го прекинаа примирјето во ноември, а оттогаш насилството е во пораст. Минатиот март Пешавар беше цел на уште еден бомбашки напад во кој загинаа десетици луѓе во шиитска џамија.

Во главниот град Исламабад, полицијата прогласи безбедносна тревога и соопшти дека безбедноста е зголемена на сите влезни и излезни точки во градот.

ФОТО: EPA