28 Март, 2024
0.1193

МНОГУ ОПЦИИ, НО СЕ УШТЕ НЕМА ОДЛУКА: Некои училишта ќе ги отворат вратите, некои со онлајн настава и од 1.септември?

Објавено во: Македонија 11 Август, 2020

Добивај вести на Viber

Ќе се дефинираат ли моделите за стартот на новата учебна година? И денеска остануваат многу прашања отворени за кои ќе разговараат претставниците на Министерството за образование и наука и Комисијата за заразни болести. И покрај тоа што главниот збор треба да го има МОН, оттаму се уште нема конкретни одговори, а поделени мислења имаат и голем број родители.

Некои училишта се жалат дека немале време во изминатиот месец да се подготват да ги исполнат сите протоколи за да може децата физички да присуствуваат на настава, на што од Комисијата за заразни болести, одговараат дека не е само еден месец во прашање, туку напротив цели 6 месеци, откако почна епидемијата во земјава.

И во ситуација кога и понатаму бројките на новозаразени со корона вирусот во земјава остануваат високи, Комисијата за заразни болести смета дека физичкото присуство на децата во училиштата е од огромно значење и дека навистина до сега сите училишта можеа да изнајдат безбедни решенија. Како одличен пример ги посочуваат дел од приватните училишта, за кои велат дека имаат одлични протоколи.

-Би ја навел гимназијата НОВА. На состанокот во понеделникот присуствуваше претзтавник од оваа приватана образовна институција и навистина би можел да кажам дека нивните протоколу се на највисоко ниво за безбедност по здравјето и на учениците и на сите вработени. И бројот на ученици во НОВА воопшто не е занемарлив, станува збор за околу 800 деца, а сепак ова училиште е целосно подготвено за новата учебна година и во време на епидемија. Не може дел од државните училишта да се правдаат дека немале време да го сторат истото, говорам за училишта каде нема огромен број на ученици, вели епидемиологот д-р. Александар Стојанов, член на Комисијата за заразни болести.

Истовремено, јавноста е сведок на бројни коментари од родителите кои остануваат поделени за тоа како треба да стартува новата учебна година. Дел од нив на социјалните мрежи пишуваат дека единствено би се заштитиле децата од корона вирусот ако останат во првото полугодие дома и да следат онлај настава. Други пак, не сакаат да слушнат за ваква можност, нагласувајќи дека наставниците, професорите, не се подготвени за ваков модел на учење.

-Далеку сме ние од квалитетна онлајн настава. Не може само да се натрупа материјалот и да се бараат одговори. Има содржини кои едноставно не се совладуваат со ваков начин на учење и навистина е бесмислено децата и од септември да останат дома, луто реагираат родители и наученици од основно и на ученици од средно школо со кои разговараше Фактор.

Според тоа што досега е разговарано меѓу надлежните институции, најверојатно секое училиште ќе се прилагодува на дадената ситуација поединечно. Нема да важат истите модели на функционирање во сите училишта низ земјава. Единствено што е јасно е дека онаму каде бројот на учениците е мал, ќе има редовна настава со физичко присуство, додека останатите училишта кои бројат огромен број ученици ќе мора да се договорат за една од бројните опции: сменска настава, 3-4 смени, час од по 20-30 минути, дел од учениците една недела во школо, една недела со онлај настава, децата до 10 години со физичко присуство, поголемите пред компјуте, и така натаму. Како и да е сите прашања остануваат отворени, додека надлежните не се договорат како ќе започне и дали воопшто ќе започне новата учебна година во некои од училиштата. 

Анита Буховски

Можеби ќе ве интересира

На Бујар Османи му е предложено да се кандидира за генерален секретар на НАТО?

На Бујар Османи му е предложено да се кандидира за генерален секретар на НАТО?

Тошковски: Приведено уште едно лице за убиството на докторот

Тошковски: Приведено уште едно лице за убиството на докторот

Европската комисија бара од Македонија да врати 2,2 милиони евра потрошени за измами од „Еразмус плус“

Европската комисија бара од Македонија да врати 2,2 милиони евра потрошени за измами од „Еразмус плус“

Андоновски: Не е проблем превработеноста, туку нефункционалноста на администрацијата

Андоновски: Не е проблем превработеноста, туку нефункционалноста на администрацијата

Со украден џип од Италија сакал да се врати во Студеничани

Со украден џип од Италија сакал да се врати во Студеничани

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ДОБРО БРЕ ГОВЕДА ЕДНИ“: Миа Костова распали поради измама „Прво лепевте доктори, сега стасав и јас на ред!“

„ДОБРО БРЕ ГОВЕДА ЕДНИ“: Миа Костова распали поради измама „Прво лепевте доктори, сега стасав и јас на ред!“

АКО ПОБЕДИ СДСМ БИ РАБОТЕЛ И ЗА НИВ КАКО ЕКСПЕРТ - Стојанче Ангелов кажа дека би барал плата од 5.000 евра

АКО ПОБЕДИ СДСМ БИ РАБОТЕЛ И ЗА НИВ КАКО ЕКСПЕРТ - Стојанче Ангелов кажа дека би барал плата од 5.000 евра

ПРЕДИЗВИК ЗА МЛАДИТЕ РАБОТНИЦИ: Kaко да се издвојат од конкуренцијата?

ПРЕДИЗВИК ЗА МЛАДИТЕ РАБОТНИЦИ: Kaко да се издвојат од конкуренцијата?