MMФ на Балканот забележа два клучни проблеми
Објавено во: Економија 16 Јуни, 2019
Најголемиот проблем на Западен Балкан е лошата инфраструктура и невработеноста.
Недостигот на капитал и ниската вработеност се најголемиот проблем на земјите од Западен Балкан, изјавил високиот регионален претставник на Меѓународниот монетарен фонд за централна и источна Европа, Надим Илахи.
Тој говорејќи за финансиската стабилност и економскиот раст на Самитот на министри за финансии, гувернери и директори на даночни управи во Бечичи, изјавил дека е потребно да се унапреди и деловното опкружување, затоа што Унгарија, Полска и Словачка постигнале успех благодарение на тоа.
„Големо ограничување за регионот на Западен Балкан е слабата инфраструктура што ги одбива инвеститорите да вложуваат, зошто патиштата се лоши и има многу гранични премини“, рекол Илахи.
Клучно е прашањето што регионот поминува низ демографски промени и што се намалува работно способното население, поради помалиот прираст и иселувањето на младото и образовано население, а што пак негативно влијае на економскиот раст.