Младите Македонци многу доцна заминуваат од домот на родителите, потврди Евростат

Добивај вести на Viber

Македонците доцна се осамостојуваат. 

Младите во Шведска стануваат независни на 18, а во Македонија со над 30 години.

Младите во Македонија и во скоро сите земји во регионот го напуштаат домот на своите родители откако ќе поминат 30 години.

Но, не е само Македонија.  Ако во Македонија младите стануваат независни на возраст од 31,8 години, во Црна Гора со 33,1, во Србија со 31,1 и во Турција со 27,5 години.

За Босна и Херцеговина нема податоци, но се претпоставува дека таа е на ниво на просекот на земјите од Западен Балкан.

Младите најрано го напуштаат домот на своите родители во Шведска, на неполни 18 години возраст, а во Хрватска стануваат независни со наполнети 32 години. 

Претходно, Евростат објави дека младите Македонци живеат во заедница и во премали домови.

Податоците на Евростат покажуваат дека 51 отсто од младите до 30 години живеат во заедница во многу мали живеалишта.

Нашата земја е меѓу државите каде е најголем бројот на граѓани кои живеат во домови со мала квадратура. 

Податоците од Евростат, покажуваат дека живеењето во премали домови е најчеста појава на Балканот. Во иста група заедно со Македонија, се и Србија, Романија и Бугарија. Просекот во Европската Унија покажува дека дека 17 отсто од луѓето живеат во недоволен простор.