Министрите смируваат по завршената анализа: Супстанцата од ОХИС не испарила во воздухот

Добивај вести на Viber

Надлежните министри смируваат и велат дека нема простор за паника кај населението бидејќи токсичната хемикалија од ОХИС не испуштила никакви супстанци надвор во воздухот, покажало истрагата на акредитираната лабораторија.

Анализата во рамките на Штипскиот универзитет утврдиле дека траги од метил акрилат мономер има во цевките на цистерната, а испарувањето било внатре, додека надвор не е забележано.

Претходно, немаше точни податоци од надлежните колкава количина на метрил акрилат мономер е ослободен при случувањата во Охис и колкава е концентрацијата на истиот во воздухот.

Инспектори на општина Кисела Вода, Град Скопје и од Државниот инспекторат за животна средина и екипа на Министерството за внатршни работи претходно извршија увид во кругот на Охис каде се случило излевање на вода со која била чистена цистерна во која претходно бил складиран метил акрилат мономер.

Инспекторатот постапил по дојава од жители кои утрото почувствувале миризба во околината на фабриката. Од Државниот инспекторат за животна средина за МИА појаснија дека истекувањето се случило во погон во кој фирма препакува и отстранува историски хемикалии кои се неупотребливи и останати од поранешната фабрика, а кои ќе се извезуваат во странство.

Метил акрилатот е токсична супстанција која при директен контакт со кожата може да предизвика тешки оштетувања и повреди на истата, објаснува преку социјалните мрежи, поранешниот пратеник од редовите на ВМРО-ДПМНЕ, Андон Чибишев за последниот инцидент кој се случи во Охис Чибишев во однос на заштитата посочува дека при хаварија се евакуира населението во радиус од 50 метри од местото на инцидентот додека пак доколку истата е од потежок степен, тогаш вели дека се прави евакуација во радиус од 800 до 1000 метри.