Министерот Спасовски поради висока температура е хоспитализиран на Инфективната клиника
Објавено во: Македонија 29 Октомври, 2020
Министерот за внатрешни работи Оливер Спасовски од вчера е хоспитализиран на Инфективната клиника во Скопје, потврдуваат од МВР. Од таму велат дека Спасовски е во стабилна состојба.
„Министерот Спасовски од вчера е на Инфективна клиника поради висока температура. Неговата здравствена состојба сега е стабилна“, велат од Министерството за внатрешни работи.
Покрај министерот, на Инфективната клиника се лекува и генералниот секретар на Владата Драги Рашковски. Пратеничката Славјанка Петровска и советникот за односи со јавност Марјан Забрчанец вчера на своите фејсбук профили објавија дека се позитивни на коронавирус. Позитивен тест на ковид-19 има и портпаролката на СДСМ Богданка Кузевска.