Милошоски обвинува дека Заев ја штити Јанева и дека таа ќе замине во куќен притвор
Објавено во: Македонија 12 Септември, 2019
Пратеникот од ВМРО-ДПМНЕ, Антонио Милошоски вели дека премиерот Зоран Заев најавил дека за десетина дена специјалната јавна обвинителка, Катица Јанева од Шутка ќе се префрли во куќен притвор.
Милошоски обвинува дека власта ќе направи се случајот „Рекет“ да не отиде во рацете на независен обвинител.
„Јасна е спрегата меѓу владата, обвинителството, судовите и Катица Јанева“, вели пратеникот.
Вели власта прво се согласила опозицијата да го предложи шефот на новото Обвинителство за организиран криминал, но кога е побарано ова Обвинителство да го преземе случајот „Рекет“ преговорите пропаднале.
Милошоски вели дека Јанева е во притвор и е осомничена за случајот „Рекет„, а истовремено дава и одлуки и наредби од притвор, кои се противзаконски. Тој тврди дека власта ја штити Јанева.
Инаку, СЈО е подготвено да ги предаде предметите по кои постапува со сите списи и докази.