Мицкоски: Двоецот Заев-Анѓушев со инвертер климите ќе им ги зголемат сметките на домаќинствата

Добивај вести на Viber

Христијан Мицкоски, лидерот на ВМРО-ДПМНЕ, смета дека премиерот Зоран Заев и вицепремиерот за економски прашања Кочо Анѓушев преку мерката за исплата на 10 милиони евра од Електрани на РСМ, со тоа што 10.000 домаќинства ќе имаат можност да набават инвертер клима уреди до 1.000 евра, е корумпирање на гласачите во Скопје, Битола, Тетово и Кичево, градовите за каде првично е предвиден овој проект.

„Инвертори за гласови и продолжување на политичката кариера на Заев и Анѓушев. Еурека! Борбата на Владата со загадувањето ќе била преку субвенционирање на граѓаните за набавка на клима уреди, инвертор во вредност од илјада евра. Всушност ова е дрзок обид на двоецот Заев-Анѓушев за корумпирање, а со цел опстанок на политичката сцена и продолжување на оваа агонија во која ја однесоа татковината на начин што ќе ги злоупотребуваат средствата на граѓаните. Милиони народни пари ќе потрошат за да се обидат да опстанат и да продолжат со декаденцијата, неправдите, неуспехот, срамот, понижувањата, арамилукот, октоподите во општеството, рекетот и уцените, богатењето на една привилегирана каста на луѓе додека градовите се празнат и некој наш сосед, колега, пријател, роднина ги полни куферите и се сели не можејќи сето ова да го живее“, напиша Мицкоски.

Претседателот на најголемата опозициска партија вели дека народот не сака кога некој се обидува со „жолтици“ да го поткупи пред парламентарните избори најавени за следната година. Тој додава деке инверторите ќе трошат струја од РЕК Битола и Осломеј како најголеми загадувачи, а сметката од инверторот ќе се зголеми за најмалку од 4.500 до 6.000 денари.и дека може да затоплува само мали простории при екстремни температури. Додава дека семејствата ќе имаа дополнителни трошоци од 45-50 евра за вградување и дека трговскиот дефицит со странство ќе се зголеми уште повеќе.

„Веднаш по формирањето на новата влада на ВМРО-ДПМНЕ ќе го рестартира проектот за изградба на секундарната и терцијалната гасификација на Македонија. Преку вистинска субвенција граѓаните да можат да добијат достап до вистински еколошки ресурс, одржлив, функционален и економиченНов проект на стимулација на граѓаните во насока подобрување на термичките перформанси на фасадите на домовите за најмалку 50% од тоа што се сега“, коментира Мицксоки.