МИЦЕВСКИ ЗА ЗАКОНОТ ЗА ЈО: Ја повикуваме меѓународната заедница да реагира
Објавено во: Македонија 16 Февруари, 2020
Пратеникот Никола Мицевски од ВМРО-ДПМНЕ на прес - конференција изјави дека начинот на кој се донесе Законот за јавно обвинителство е врвот на хибридниот режим.
Вели дека Законот за зашитата на криминалот на Заев не помина.
„Она што се случи потоа е врвот на она што се нарекува хибриден режим. Законот не го доби потребниот број на гласови и ваквото гласање скандалозно и противзаконски беше поништено. Потоа пак беше ставен на гласање противделовнички. Ова е авториратно владење на дело, оваа одлука е неделовничка. Ваквиот закон кој не е донесен не смее да биде потпишан од претседателот Пендаровски. Го повикуваме да не го потпишува.
Ја повикуваме меѓународната заедница да реагира“, рече Мицевски.
Тој повика веднаш да се распишат избори.
За Законот за ЈО, имаше две гласања, по што првото беше поништено, а се уважи второто на кое имаше 80 пратеници „За“.