МЕТЛАТА ЌЕ СЕ АКТИВИРА ВО ЈУНИ: Заев за две недели ќе каже кои министри и заменици ќе бидат сменети

Добивај вести на Viber

Верувам дека во почетокот на јуни ќе излезам со промени во раководни структури на министерско ниво, раководни структури на државни институции, а при крајот на јуни верувам дека ќе се пуштиме и во општините каде државата е претставена со одредени институции.

Ова го кажа премиерот oдговарајќи на новинарски прашања по завршувањето на Презентацијата на Извештајот на ОБСЕ со резултатите од истражувањето за благосостојбата и безбедноста на жените.

Заев кажа дека во следните две недели ќе донесат големи одлуки за државата, ќе се направат промени во сите структури, почнувајќи од највисоката хиерархија.

„Ќе се дискутира за промени на некои министри, заменици министри, директорите, но можностите за промена се уште се дискутираат. Откако ќе можеме да ги балансираме позициите ќе ги објавиме имињата и причините“, истакна премиерот.

Тој кажа дека промени ќе има и во неговата матична партија, СДСМ.

Деновиве, Заев кажа дека ќе закаже средба и со владини партнери и особено со лидерот на ДУИ Али Ахмети, додавајќи дека сé уште не поставиле датум за следниот состанок, но тоа ќе се случи наскоро, бидејќи тоа е неопходно за да разговараат за промените во владата. Заев рече дека не се работи за партиски промени, туку за лични неуспеси на функционерите.