26 Септември, 2020
0.0552

Меѓународен семинар за македонски јазик до БАН: Недолично е да се негира македонистиката

Објавено во: Македонија 13 Декември, 2019

Меѓународниот семинар за македонски јазик, литература и култура при Универзитетот „Св. Кирил и Методиј“ во Скопје реагира на најновите ставови на Бугарската академија на науките во која посочија дека не постои македонски јазик.

Од Меѓународниот семинар за македонски јазик, литература и култура потенцираат дека е недолично да се негира нешто што е признато и познато, а тоа е МАКЕДОНИСТИКАТА на мапата на светската славистика, но и балканистика.

По повод ставот на БАН, реакцијата ви ја пренесуваме целосно:

„Челниците на БАН како да забораваат дека Меѓународниот семинар е основан уште во 1967 година заради презентирање, координирање на високообразовните и научните достигнувања од областа на македонскиот јазик и научните достигнувања од областа на македонистиката во земјата и странство. Знаат, ама не сакаат да знаат дека Меѓународниот семинар организира Летна школа за македонски јазик, литература и култура како и Меѓународна научна конференција од областа на македонскиот јазик и македонската литература; а исто така ја организира и работата на лекторатите по македонски јазик во странство и подготвителната настава по македонски јазик за странски државјани кои сакаат да студираат на Универзитетот „Св. Кирил и Методиј“ во Скопје. Така што крајно е неакадемски, и научно неиздржано, да се пишува дека „изучувањето на македонскиот јазик на голем број странски универзитети се должи на државната политика на РСМ за целисходно субвенционирање на лекторатите во странство“. Што ќе кажат претставниците на високата академска и научна фела на држава членка на Европската Унија на следниве факти? Како ќе го (и)збришат постоењето на македонскиот јазик? Со тоа што овие факти (бројки) ќе ги помножат со нула? Зашто досега се одржани 52. Летни школи со лекторска настава и предавања од кадри образувани на македонски јазик на Филолошкиот факултет „Блаже Конески“. Зашто досега се одржани 52. Летни школи на кои учествувале повеќе од 4000 учесници од над 60 земји (бројка голема како што е и онаа на учениците на големиот Св. Климент Охридски во неговата Охридска книжевна школа), меѓу нив голем број истакнати македонисти, професори по македонски јазик и литература на странските универзитети, слависти, научни работници и студенти кои го изучуваат македонскиот јазик во нашите лекторати и универзитетите во светот и на кои учество оствариле и остваруваат и сериозни научни кадри од Бугарија. Во рамките на Летната школа се одржува и Меѓународна научна конференција, на којашто странските и македонските слависти и балканисти ги соопштуваат своите истражувања од областа на јазикот, литературата и културата.Досега се одржани 46. Меѓународни научни конференции на кои свое учество имале и професори, научници, истражувачи и од Бугарија.

Под управа на Меѓународниот семинар за  македонски јазик, литература и култура при Универзитетот „Св. Кирил и Методиј“ во Скопје повеќе од 50 години настава по македонски јазик се изведува во повеќе лекторати на универзитетите во странство. Значајни се лекторатите во: Турција (Истанбул), Унгарија (Будимпешта), Руска Федерација (Москва), Франција (Париз), Полска (Краков), Романија (Букурешт), Полска (Сосновјец), Хрватска (Риека) и Србија (Ниш). Покрај во овие центри, македонскиот јазик се изучува и е составен дел на студиските програми уште на универзитети во: Торонто (Канада), Воронеж, Перм, Санкт Петербург (Русија), Љубљана и Марибор (Словенија), Белград, Нови Сад (Србија), Загреб (Хрватска), Познањ (Полска). Како активност за 2020 година е предвидено подготвување на терен за отворање на нови лекторати по македонски јазик во странство.

Така што недолично е да се негира нешто што е признато и познато, а тоа е МАКЕДОНИСТИКАТА на мапата на светската славистика, но и балканистика“, стои во нивната реакција испратена до медиумите.


Можеби ќе ве интересира

НА ВРВОТ: Центар ги надмина другите општини и го стаса Аеродром по бројот на заболени

НА ВРВОТ: Центар ги надмина другите општини и го стаса Аеродром по бројот на заболени

ПОДГОТВЕТЕ СЕ ЗА ПРОМЕНА: Денеска силен ветер и дожд

ПОДГОТВЕТЕ СЕ ЗА ПРОМЕНА: Денеска силен ветер и дожд

Млад скопјанец на сред бел ден украл ланец од жена на улица, ама немал „среќа“ со него

Млад скопјанец на сред бел ден украл ланец од жена на улица, ама немал „среќа“ со него

Пахор: Словенија ја поддржува Северна Македонија за нејзин напредок и полноправно членство во ЕУ

Пахор: Словенија ја поддржува Северна Македонија за нејзин напредок и полноправно членство во ЕУ

ФАКТОР НА ДЕНОТ: Дрвокрадци претепале полицајци, суспендирани полициските службеници кои претепаа човек во Битола

ФАКТОР НА ДЕНОТ: Дрвокрадци претепале полицајци, суспендирани полициските службеници кои претепаа човек во Битола

Неколку лица се приведени за нападот на Љупчо Палевски

Неколку лица се приведени за нападот на Љупчо Палевски

Во еден македонски град има само еден активен случај на коронавирусот

Во еден македонски град има само еден активен случај на коронавирусот

KOВИД -19: Во болнички услови се починати 9 лица

KOВИД -19: Во болнички услови се починати 9 лица

Рестриктивните мерки на готовс ако состојбата се влошува и понатаму: Први на удар ќе бидат повторно кафулињата?

Рестриктивните мерки на готовс ако состојбата се влошува и понатаму: Први на удар ќе бидат повторно кафулињата?