Медведев: Киевските сатанисти дојдоа во Украинската православна црква
Објавено во: Свет 02 Декември, 2022
Властите во Киев станаа непријатели на православната вера, вели рускиот потпретседател Димитриј Медведев.
Зборувајќи за постапките на украинските власти во однос на Украинската православна црква (УПЦ), заменик-претседателот на рускиот Совет за национална безбедност, Дмитриј Медведев, денеска изјави дека тие станале непријатели на православната вера.
„Киевските сатанисти дојдоа во Украинската православна црква, тие бараат врски со рускиот свет. Го конфискуваат црковниот имот. Тие тепаа свештеници и парохјани. Меѓутоа, прогонот на УПЦ почна многу порано. Кога извесен Порошенко ги жртвуваше УПЦ и Договорот од Минск заради неговиот неуспешен реизбор“, рече Медведев.
Официјален Киев денеска соопшти дека украинската Влада ќе подготви закон за забрана на црквите поврзани со Русија, во согласност со потезите што украинскиот претседател Володимир Зеленски ги смета за неопходни за да се спречи Москва „да ја ослаби Украина одвнатре”, пренесоа британските медиуми.
Во Украина има Православна Црква на Украина, под ингеренции на Киев, и Украинска православна црква, под власт на Москва. Тие се разделени од пред три години.Претходно, имаше рации во парохиите за кои Киев вели дека можеби добиваат наредби од Москва.