Манчевски: Администрацијата од денеска се враќа на работа, да комуницира со мобилни и преку интернет
Објавено во: Економија 01 Јуни, 2020
Дамјан Манчевски, министерот за информатичко општество и администрација, објави дека денеска вработените од јавниот сектор, согласно владината одлука, се враќаат на работните места, освен оние во училиштата и градинките.
Манчевски им порачува на административните работници и останатите вработени во јавниот сектор слободно да ги користат повеќе мобилните телефони и интернетот во меѓусебната комуникација, наместо непосредното комуницирање, со цел да бидат намалени контактите, иако службениците повеќе нема да работат од дома.
„Вработените во јавната администрација од денеска, работните задачи ги извршуваат од своите работни места. За да бидеме сигурни дека со овој начин на работа никој нема да биде доведен во ризик, укажуваме и бараме строго почитување на мерките и препораките на Владата:
Секој вработен задолжително да носи лична заштитна опрема на лицето (маска) за време на извршување на работните задачи на работното место. Да се одржува минимум физичкото растојание и контакт помеѓу вработените лица. Да се избегнуваат групирања и собирања. Да се настојува комуникацијата да биде телефонски (локали/мобилни телефони). Редовно да се одржува личната хигиена и хигиената во работните простории. Службените интерни состаноци да се одржуваат преку алтернативен начин (интернет апликации за комуникација). Исто така, во сила е и веќе усвоениот протокол за одржување на работни состаноци“, објави Манчевски.
Дополнително, мерката за ослободување од работа продолжува да важи за хронично болните лица, бремените жени, родителите на дете до 10-годишна возраст, самохраните родители, родителите на деца со попреченост кои користат дневен центар, лицата кои одат на работа со придружба-потполно слепи лица, лица кои се движат со инвалидска количка и лица со умерена и тешка интелектуална попреченост.
Можеби ќе ве интересира
СТРИМИНГ ГИГАНТОТ ГИ ИЗНЕНАДИ АНАЛИТИЧАРИТЕ: наспроти забраната за делење лозинка - голем раст на профитот и претплатниците
Марко Бислимовски останува вонреден претседавач на Бордот на регулатори на Енергетската Заедница
ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато
„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ
„НАЈСРЕЌЕН СУМ КОГА ГО СОБИРАМ СЕМЕЈСТВОТО И ОДИМЕ ДА ПАКУВАМЕ МЛЕЧНИ ПРОИЗВОДИ“ - познатиот бизнисмен Дабевски ексклузивно за „Бизнис муабети“ на Фактор
ЗА ПОМАЛКУ ОД 2 МЕСЕЦИ: Кој директор на државна фирма успеа да потроши 35 милиони евра?
ЗА ПЛОЧКАР, МОЛЕР, ФАСАДЕР МОЖЕ ДА СЕ СЛУЧИ ДА ЧЕКАТЕ СО МЕСЕЦИ: Дали се ова „златни времиња“ за занаетчиите?
„ДЕБАРСКИ БАЊИ-ЦАПА“ НАЈАВУВА ИНВЕСТИЦИИ ЗА ГОДИНАВА ОД 163 ИЛЈАДИ ЕВРА - и дивиденда за акционерите, сепак, ќе има
Финансиските инспектори лани биле страв и трепет за функционерите
