Максим Димитриевски: Попусто не убедувате за предлогот
Објавено во: Македонија 02 Јули, 2022
„Не убедувајте не, овој предлог е штетен по македонскиот народ и државност, истиот нема да добие народна подршка“, порача Максим Димитриевски, градоначалникот на Куманово откако вчера Владата го објави предлогот на француското претседателство со ЕУ.
- Од билатерален дозволувате да се трансформира во мултилатерален проблем со кој еден ден ќе се соочат нашите внуци и правнуци а дополнително се обидувате да ја релативизирате тежината на предлогот.
Лидерството значи да мислиш и работиш за националните и државни интереси, не да го уриваш и подгазуваш тоа што предците ти го оставиле.
Тоа што не го постигнаа во минатото со оружје во балканските, првата и втората светска војна, денеска се обидуваат по дипломатски пат да го постигнат со власт која за жал по сите досегашни постапки повеќе не го застапува нашиот национален и државен интерес“, гласи реакцијата на кумановскиот градоначалник.
Димитриевски и порача на власта да не ја одбира страната на предавства во историјата.
„Македонскиот народ и сите граѓани на Македонија како и многупати до сега низ историјата ќе го надминат и овој предизвик и сите заедно ќе излеземе посилни и пообединети ЗА НАША МАКЕДОНИЈА.
Македонецот опевал и ќе опејува многупати за јунаштво и подвиг но исто така и за предавство и самопонижување... Вие самите од власта изберете си ја песната, јас мојата многу одамна ја избрав.МАКЕДОНИЈА ЌЕ ПОБЕДИ!“, нагласува поранешниот функционер на СДСМ.