Макрадули потврди дека вработените во пошти добиле плата
Објавено во: Економија 15 Октомври, 2021
Генералниот директор и претседател на Управниот одбор на „Пошта“, Јани Макрадули, попладнево изјави дека платата на околу 2.400 вработени во АД „Пошта на Северна Македонија“ утрово е пуштена на нивните сметки и тоа е во рамки на законскиот рок.
Вели дека тие нема потреба да бидат загрижени за финансиската стабилност и нивните плати. Макрадули имаше средба со двата синдикати и таа следуваше откако вработените денеска почнаа да штрајкуваат за неисплатената плата. Макрадули рече дека не сака да го коментира тајмингот на овој протест, но на средбата со синдикатите, а потоа и на прес-конференција порача дека Управниот одбор направил низа напори и нема потреба за загриженост.
Вработени во Пошта на Северна Македонија протестираа денеска пред Дирекцијата за да изразат револт поради тоа што им доцнат платите. Боро Велигденов од Синдактот на Македонско пошти вели дека протестот е поддржан од двата синдикати во државното друштво.