Македонско - Хрватското друштво и еколошко нуркачкиот клуб „Пена“ го чистеа Дојранското езеро

Добивај вести на Viber

Во рамките на проектот „За чиста и здрава вода, стоп за загадувањето на водата„ на 08 и 09.05.2021 година здружението Македонско - Хрватското друштво и еколошко  нуркачкиот клуб „Пена“ го чистеа езерото во Дојран. 20 нуркачи од повеќе градови го чистеа подводно Дојранското езеро од пластичен и останат отпад, Од езерото и околу него беа собрани најразлични отпад (пластика, хартија, најлонски кеси, отпадоци, стакло и др.) кои за водата причинуваат сериозни проблеми и последици по рибниот фонд и биодиверзитетот.

Основна цел на проектот е Подигање на свеста за екологијата и чување на природните богатства во Македонија како извор на здрава животна средина, додека специфични цели на проектот е подводно чистење на природните и вештачките езера од пластични предмети гуми, делови од моторни возила, разни метални предмети, а особено чистење од заостанати рибарски мрежи во кои се фаќаат рибите и угинуваат.

Проектот започна на 21.03.2021 со активност во Тетово каде се реализираше еколошката акцијата за чистење на реката Пена и месноста Бањиче, а продплжи со чистење на езерото Матка. Во рамките на проектот предвидени се уште 2 еколошки акции со чистење на езерата Младост во Велес и Мавровското езеро. Подигање на свеста на зачувување на природата посебно на водата ќе има зголемено влијание во иднина бидејќи ќе допринесе да се намалување на загадувањето на природата и езерата и здрава животна средина

Проектот „За чиста и здрава вода, стоп за загадувањето на водата “ е финансиски поддржан од програмата на Цивика мобилитас е програма за поддршка на граѓанското општество, а го имплементира Здружението на граѓани Македонско Хрватско Друштво (МХД).