15 Август, 2020
0.0341

„Македонски телеком“ како евергрин, профитот е 23,3 милиони евра

Објавено во: Економија 11 Ноември, 2019

Акционерите можат да бидат задоволни, приходите од продажба пораснале за 2 отсто, оперативната добивка е поголема за 12 отсто, а нето профитот е 23,3 отсто и порасна за 9 отсто во споредба со лани

„Македонски телеком“ во првите девет месеци годинава го одржува своето пазарно учество и е најголем учесник на пазарот на телекомуникациски услуги, покажуваат официјалните податоци од билансот на успех заклучно со крајот на септември годинава. Радосни вести за акционерите: макар и минимално растат приходите од продажба, се зголемува оперативната добивка и расте нето добивката на најголемата компанија за телекомуникациски услуги во Македонија.

Приходите од продажба за првите девет месеци годинава надминаа 129 милиони евра и тие се за 2 отсто повисоки од истиот период лани. Ова значи дека Телеком просечно месечно од своите услуги генерира приходи од 14,3 милиони евра. Најголемо учество во приходите е од продажбата на домашниот пазар. Или во бројки 122,27 милиони евра. И тие се повисоки за 2 отсто од истиот период лани. Од продажба во странство „Македонски телеком“ за првите девет месеци остварил продажба од речиси 7 милиони евра и таа во споредба со истиот период лани е пониска за 13 отсто.

Многу значајно е тоа што компанија има исто ниво на оперативни трошоци во споредба со истиот период лани. Заклучно со крајот на септември годинава расходите на компанијата се 103,72 милиони евра. Најголема расходна ставка се трошоците за амортизација и тие изнесуваат 31,6 милиони евра и во однос на истиот период лани се повисоки за 6 отсто. Втора најголема трошковна ставка се услугите со карактер на материјални трошоци и тие изнесуваат 25 милиони евра, а во однос на истиот период лани се пониски за 8 отсто. Набавната вредност на трговски стоки е повисока за 2 отсто од лани и изнесува 20 милиони евра.

Оперативната добивка за првите девет месеци изнесува 26,74 милиони евра и е за 12 отсто повисока од споредбениот период минатата година. Тоа е солиден сигнал за сите потенцијални инвеститори во хартии од вредност. А за акционерите е убава вест зашто можат за реална основа да темелат очекувања за раст на дивидендата.

Значајно да се истакне е тоа што годнава за првите девет месеци компанијата има негативен скор од соодносот на финансиски приходи и финансиски расходи.

Имено, финансиските приходи се 507.000 евра и се за 55 отсто пониски од приходите по истиот период лани. Финансиските расходи пак пораснале за 20 отсто и изнесуваат 919.000 евра.

Нето добивката е 23,29 милиони евра и е за 9 отсто повисока во однос на септември лани.

„Македонски телеком“ во инвесторската заедница има имиџ на акција која е фикс во доделување дивиденда секоја година. Според официјалните податоци за последните три години кумулативно исплатената дивидендата надминува 50 денари или над 5 отсто од пазарната просечна цена на акцијата.

Р.Ф.

Можеби ќе ве интересира

Како ќе се спаси германската економија?

Како ќе се спаси германската економија?

Македонија е најевтина земја во Европа - Британците би заштедиле ако се преселат овде

Македонија е најевтина земја во Европа - Британците би заштедиле ако се преселат овде

Костовски: Точно е дека како групација имаме долг од пет милиони евра кон Комерцијална банка - под хипотека се зградата, Поштенска банка и Палата Македонија

Костовски: Точно е дека како групација имаме долг од пет милиони евра кон Комерцијална банка - под хипотека се зградата, Поштенска банка и Палата Македонија

Сопственикот на банката обвинува: поранешниот директор Петковски го натера вујко му да формира фирма со пет илјади евра, а потоа му даде кредит од 1,2 милиони евра

Сопственикот на банката обвинува: поранешниот директор Петковски го натера вујко му да формира фирма со пет илјади евра, а потоа му даде кредит од 1,2 милиони евра

КОМПАНИЈА ФОРМИРАНА ВО ДУБАИ САКАЛА ДА ЈА КУПИ ЕУРОСТАНДАРД - Костовски ќе вложел и свои 2,5 милиони евра само да се спаси банката

КОМПАНИЈА ФОРМИРАНА ВО ДУБАИ САКАЛА ДА ЈА КУПИ ЕУРОСТАНДАРД - Костовски ќе вложел и свои 2,5 милиони евра само да се спаси банката

Тонат економиите на три европски земји поради пандемијата

Тонат економиите на три европски земји поради пандемијата

Костовски: Не ја ставајте во овој вител Нина Ангеловска, таа е стар клиент на банката

Костовски: Не ја ставајте во овој вител Нина Ангеловска, таа е стар клиент на банката

Костовски обвини за смислено сценарио, ако се прифати стечајот ќе ја тужи државата и Народна банка

Костовски обвини за смислено сценарио, ако се прифати стечајот ќе ја тужи државата и Народна банка

Ангеловска-Бежоска кај Пендаровски: Максимални напори за обештетувањето на депонентите во Еуростандард

Ангеловска-Бежоска кај Пендаровски: Максимални напори за обештетувањето на депонентите во Еуростандард