Македонија доби пристап до Европскиот солидарен фонд
Објавено во: Економија 01 Април, 2020
Бујар Османи, вицепремиерот за евроинтеграции, соопшти дека Македонија добила пристап до Европскиот солидарен фонд, формиран во 2012 од ЕУ по несреќите со поплавите на континентот.
„Како земја - преговарач, Република Северна Македонија тукушто доби пристап до Европскиот солидарен фонд за справување со КОВИД19!. Оваа одлична вест преку видео конференција ми ја соопшти Оливер Вархеји, еврокомесар за проширување“, објави Османи.
Македонија пред две недели побара од ЕУ да се вклучи во европскиот солидарен фонд како дел од координацијата за справување со состојбата со коронавирусот.
Како што соопшти тогаш вицепремиерот за европски прашања Бујар Османи, фондот е формиран во 2012 година по поплавите во Централна Европа и досега се искористени 5 милијарди евра за несреќи, природни катастрофи и епидемии во ЕУ и дека Македонија има право на тоа како земја преговарач.