Мајка со својата ќерка го нападнале сопругот со љубовницата
Објавено во: Македонија 14 Јуни, 2021
Средовечна мајка заедно со својата ќерка го нападнале физички својот поранешен сопруг со негоавата невенчана партнерка во куќа во Гостивар, соопшти полицијата. СВТ Тетово соопшти дека тие се уапсени, случајот се расчистува и ќе следуваат соодветни пријави.
„Вчера (13 јуни) околу 14 часот, полициски службеници ги лишиле од слобода Т.М.(30) и нејзината мајка С.С.(56), кои половина час пред тоа во куќа во Гостивар, физички го нападнале поранешниот сопруг и неговата невенчана сопруга“, соопшти МВР.
Според соопштението, ќерката користела и остар предмет. Случајот го пријавил таткото, односно поранешниот сопруг.