Лукаревска: Пад на данокот на добивка за 17,3 отсто
Објавено во: Економија 01 Јули, 2020
Сања Лукаревска, директорката на Управата за јавни приходи, денеска информираше дека изминатиот месец е забележан пад на данокот на добивка кој го уплаќаат компаниите од 17,3 отсто.
- Кај данокот на добивка има намалување од 17,3 отсто во однос на наплатата во јуни месец 2019. Тоа произлегува од намалувањето на наплатата на месечните аконтации. Наплатата на ДДВ е намалена за 7,5 отсто кај нето-приходот за изминатиот месец, рече Лукаревска, одговарајќи на новинарско прашање.
Директорката на УЈП се обрати во јавноста по повод едногодишнината од „Мој ДДВ“, за кој таа рече дека во моментов скенирањето на фискални сметки достигна 304.912 корисници на апликацијата и дека очекувањата се натамошен раст на бројката
- До сега во солидарниот фонд за справување со епидемијата се вратени 5.809. 613 денари донација преку „Мој ДДВ“ од страна на граѓаните, а можноста за отповикување од донацијата која што заврши вчера ја искористија 3.161 граѓани, информираше Лукаревска.