ЛИДЕРСКАТА ПОЧНА: Ќе се надминат ли разликите околу референдумот и изборот на ДИК
Објавено во: Македонија 23 Јули, 2018
Третата лидерска средба во Клубот на пратенциите утрово започна .
Дали лидерите на четирите најголеми парламентарни партии Зоран Заев на СДСМ, Али Ахмети од ДУИ, Христијан Мицкоски од ВМРО ДПМНЕ и Билал Касами од БЕСА ќе успеат да ги надминат разликите и да постигнат договор во врска со прашања поврзани со претстојниот референдум и изборот на ДИК ќе видиме по завршувањето на средбата.
Првите две се одржаа минатата недела, едната во проширен состав со присуство на лидерите на партиите кои имаат повеќе од еден пратеник во Собранието, а втората во скратен состав по барање на лидерот на ВМРО-ДПМНЕ, Мицкоски.
Власта бара од опозицијата поддршка за претстојниот референдум, додека опозицијата инсистира на усвојување на Законот за финансирање на политичките партии, измени во Законот за Влада според пржинскиот модел и измени во Кривичниот законик поврзан со амнестијата.