ЛЕКЦИЈАТА ОД ШПАНСКИОТ ГРИП: Не ги тргајте рестриктивните мерки премногу брзо

Добивај вести на Viber

Социјалното дистанцирање не го намали бројот на смртни случаи од шпанскиот грип пред еден век, затоа што не траеше доволно долго, се вели во новиот истражувачки труд што има импликации за одговорот на „Ковид-19“, објавен од Блумберг.

Економистот на универзитетот Харвард, Роберт Баро, пишува дека „веројатната причина“ зошто затворањето на училиштата, забраните за јавни собири и карантините и изолацијата во разни градови во САД не спасиле многу животи е тоа што тие „имале просечно траење од само еден месец“.

„Лекцијата за тековната пандемија на коронавирус во 2020 година е дека, за да се намали вкупната смртност, користените НПИ (не-фармацевтски интервенции) треба да се одржуваат значително подолго од неколку недели. Најверојатно, 12 недели ќе завршат многу повеќе работа отколку 4 до 6 недели“, пишува Баро во работниот документ на Националното биро за економски истражувања.

Пресметката на Баро не ги зема предвид економските загуби од продолжените рестриктивни мерки. Но, преку е-пошта, тој вели дека секое паѓање на бруто-домашниот производ треба да се мери против економската вредност на заштеда на животи. Тој користи 10 милиони долари како проценка за вредност на еден спасен живот, врз основа на проценките за тоа колку дополнителни пари бараат луѓето да бидат платени за работни места, што го зголемуваат ризикот од умирање. На 12 недели, вели тој, придобивките од рестриктивните мерки ги надминуваат трошоците.