Лани нѐ посетиле 14.000 кинески туристи, амбасадорот Џанг Ѕуо најави укинување на визите
Објавено во: Економија 09 Јануари, 2020
Економската и трговската соработка меѓу двете наши земји континуирано се проширува, нагласи на денешната средба со медиумите кинескиот амбасадор Џанг Ѕуо на која беа претставени активностите на Амбасадата за 2020 година. Тој не кажа конкретно какви инвестиции планира неговата земја кај нас во наредниот период, но потсети дека со кредити од Кина со ниска камата бил официјално пуштен во употреба автопатот Миладиновци-Штип, но и дека бил завршен најтешкиот дел од тунелот на автопатот Кичево-Охрид.
„Минатата година бројот на кинески туристи кои ја посетиле Северна Македонија достигна 14.000 луѓе. Трговскиот обем меѓу двете наши земји достигна околу 650 милиони американски долари, и со ова Кина останува најголем трговски партнер на Северна Македонија надвор од Европа“, појасни кинескиот амбасадор.
Според него 2020 е важна година за Кина да ја продлабочи прагматската соработка со Република Северна Македонија. Се надева дека двете страни ќе продолжат да ја продлабочуваат политичката меѓусебна доверба.
„Двете страни ќе ја прошират билатералната соработка во областите на трговијата, инвестицијата, енергетиката, земјоделството, инфраструктурата, културата и туризмот, како и во областа на образованието, науката, технологијата и традиционалната медицина“, рече Џанг Ѕуо.
Тој, меѓу другото, ги истакна и најголемите предизвици со кои минатата година се соочила неговата земја која токму во 2019 свечено прослави 70 години од основањето на Народна Република Кина. Се наврати и на финансиската помош од 45 милиони евра која ја обезбедила Кина за нашата држава од воспоставувањето на дипломатските односи до денес.
На новинарско прашање како ги оценува случувањата во Иран, амбасадорот нагласи дека дека Кина отсекогаш била против употреба на сила во решавање на меѓународните конфликти.
На крајот присутните новинари ги потсети на големиот настан во Филхармонија, прославувањето на Кинеската Нова година и упати отворена покана до присутните да го поддржат и овој значаен настан од областа на културата.
Ѓ.С.
Можеби ќе ве интересира
СТРИМИНГ ГИГАНТОТ ГИ ИЗНЕНАДИ АНАЛИТИЧАРИТЕ: наспроти забраната за делење лозинка - голем раст на профитот и претплатниците
СТРИМИНГ ГИГАНТОТ ГИ ИЗНЕНАДИ АНАЛИТИЧАРИТЕ: наспроти забраната за делење лозинка - голем раст на профитот и претплатниците
Марко Бислимовски останува вонреден претседавач на Бордот на регулатори на Енергетската Заедница
Марко Бислимовски останува вонреден претседавач на Бордот на регулатори на Енергетската Заедница
ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато
ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато
„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ
„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ
„НАЈСРЕЌЕН СУМ КОГА ГО СОБИРАМ СЕМЕЈСТВОТО И ОДИМЕ ДА ПАКУВАМЕ МЛЕЧНИ ПРОИЗВОДИ“ - познатиот бизнисмен Дабевски ексклузивно за „Бизнис муабети“ на Фактор
„НАЈСРЕЌЕН СУМ КОГА ГО СОБИРАМ СЕМЕЈСТВОТО И ОДИМЕ ДА ПАКУВАМЕ МЛЕЧНИ ПРОИЗВОДИ“ - познатиот бизнисмен Дабевски ексклузивно за „Бизнис муабети“ на Фактор
ЗА ПОМАЛКУ ОД 2 МЕСЕЦИ: Кој директор на државна фирма успеа да потроши 35 милиони евра?
ЗА ПОМАЛКУ ОД 2 МЕСЕЦИ: Кој директор на државна фирма успеа да потроши 35 милиони евра?
ЗА ПЛОЧКАР, МОЛЕР, ФАСАДЕР МОЖЕ ДА СЕ СЛУЧИ ДА ЧЕКАТЕ СО МЕСЕЦИ: Дали се ова „златни времиња“ за занаетчиите?
ЗА ПЛОЧКАР, МОЛЕР, ФАСАДЕР МОЖЕ ДА СЕ СЛУЧИ ДА ЧЕКАТЕ СО МЕСЕЦИ: Дали се ова „златни времиња“ за занаетчиите?
„ДЕБАРСКИ БАЊИ-ЦАПА“ НАЈАВУВА ИНВЕСТИЦИИ ЗА ГОДИНАВА ОД 163 ИЛЈАДИ ЕВРА - и дивиденда за акционерите, сепак, ќе има
„ДЕБАРСКИ БАЊИ-ЦАПА“ НАЈАВУВА ИНВЕСТИЦИИ ЗА ГОДИНАВА ОД 163 ИЛЈАДИ ЕВРА - и дивиденда за акционерите, сепак, ќе има
Финансиските инспектори лани биле страв и трепет за функционерите
Финансиските инспектори лани биле страв и трепет за функционерите
