03 Август, 2021
0.0201

Лани 10 милиони евра повеќе потрошени за лекови во болниците и поликлиниките

Објавено во: Економија 18 Мај, 2021

Лани 10 милиони евра повеќе потрошени за лекови во болниците и поликлиниките, помалку во аптеките

Лани во болниците и поликлиниките се потрошиле 10 милиони евра повеќе пари за лекови платени од Фондот за здравствено осигурување, додека за лекови на рецепт за прв пат по повеќе години во низа имало „заштеда“ на пари во однос на една година претходно, иако 2020 е прва година со целосно укинати квоти во аптеките. 

Ова е прикажано во годишниот извештај на ФЗОРСМ за 2020, што може да се објасни со зголемениот број на хоспитализации поради корона-кризата во 2020. За снабдувањето со лекови на здравствените установи на секундарно и терцијарно ниво на здравствена заштита, кое се спроведува од самите здравствени установи и Министерството за здравство биле потрошени 5,5 милијарди денари. 

Тоа се пари за болничката здравствена заштита од Листата на лекови кои паѓаат на товар на фондот со утврдена референтна цена на која се вкупно 309 лекови по генерика со одредена фармацевтска дозажна форма и јачина. 

Според податоците од трезорот, претходно во 2019 година,, јавните здравствени установи за лекови потрошиле околу 4,9 милијарди денари, односно 12 отсто помалку во однос на 2020.

Од друга страна, потрошувачката на лекови на рецепт на товар на Фондот преку аптеките иако бележи континуиран раст во изминатите години, лани низата е запрена, што може делумно да се објасни и за стивнувањето на другите заболувања.

Во 2020 година на товар на ФЗОРСМ во ПЗУ аптеките биле реализирани вкупно 24.554.329 рецепти во износ од 2.781.182.198 денари. Иако бројот на рецепти е зголемен за повеќе од 250.000, сумата е намалена за околу 40 милиони денари.

„Потрошувачката на лекови зависи од повеќе фактори како што се: структура на Листата на лекови, бројот и структурата на осигурениците, навиките на лекарите за пропишување лекови на рецепт, нарачките и набавките на лековите во аптеките, застапеноста и дистрибуцијата на лекови во државата, цените на лековите кои се утврдени од фармацевтските производители и формираните цени на лекови кои се одобрени од Министерството за здравство, и други. Во 2020 година потрошувачката на лекови беше и под големо влијание на пандемијата со КОВИД 19. Исто така, во октомври 2019 година беа укинати квотите, што значи дека во 2020 година во целост немаше ограничувања во месечните износи на средства кои аптеките можеа да ги фактурираат до Фондот.“, се вели во извештајот на ФЗОРСМ.

И во 2020 година на прво место по бројот на реализирани рецепти и според вкупниот фактуриран износ се лековите за третман на заболувања на кардиоваскуларниот систем. Лековите од оваа група бележат постојан раст. Во 2020 година се реализирани приближно 10,65 милиони рецепти во износ од 354,7 милиони денари.

А.К.


Можеби ќе ве интересира

До сега собрани 6,5 милиони евра од регистрација на возила со бугарски таблички

До сега собрани 6,5 милиони евра од регистрација на возила со бугарски таблички

ЦРНA ГОРА ИМА 58 МИЛИОНЕРИ! Најбогатиот од нив чува неверојатна сума пари во банка!

ЦРНA ГОРА ИМА 58 МИЛИОНЕРИ! Најбогатиот од нив чува неверојатна сума пари во банка!

Македонија, Србија и Албанија ќе имаат заедничка поштенска марка, но и една цена за услугите на пратки?

Македонија, Србија и Албанија ќе имаат заедничка поштенска марка, но и една цена за услугите на пратки?

Поради зголемувањето на јавниот ќе дојде време да не може да ги сервисираме долговите, смета Никола Поповски

Поради зголемувањето на јавниот ќе дојде време да не може да ги сервисираме долговите, смета Никола Поповски

Горан Трајановски ќе го пробива Телеком Србија на македонскиот пазар

Горан Трајановски ќе го пробива Телеком Србија на македонскиот пазар

„Фактор“ рангира: Колку пари прават најголемите компании чии акции се тргуваат на берзата?

„Фактор“ рангира: Колку пари прават најголемите компании чии акции се тргуваат на берзата?

ПРОСЕЧНАТА ПЛАТА ПОРАСНА, АМА МАЛКУМИНА СЕ НАД НЕА - само 35 отсто вработени имаат повеќе од просекот

ПРОСЕЧНАТА ПЛАТА ПОРАСНА, АМА МАЛКУМИНА СЕ НАД НЕА - само 35 отсто вработени имаат повеќе од просекот

Како „Макстил“ доби крилја? Профитот порасна за шест пати во споредба со лани!

Како „Макстил“ доби крилја? Профитот порасна за шест пати во споредба со лани!

На два месеци од отворањето на Ист Гејт Мол: Кои познати светски брендови доаѓаат во Македонија, освен H&M, Зара Хоум и Лидл?

На два месеци од отворањето на Ист Гејт Мол: Кои познати светски брендови доаѓаат во Македонија, освен H&M, Зара Хоум и Лидл?