Лабораторија од Германија ја демантираше претпоставката за ГМО во кочански ориз
Објавено во: Агробизнис 19 Септември, 2018
Суперанализите на две мостри кои беа испратени на лабораториска проверка во Германија се покажаа како негативни, со што се демантираат наодите на Дрѓавниот инспекторат за земјоделство дека е можно ГМО во ориз во Кочани. Откако ситуацијата се смири, производителите велат дека нема да има претрпени штети од ова недоразбирање.
Сепак, Агенцијата за храна и ветеринарство изрече казна за операторот кај кого беше пронајден сомнителниот ориз, бидејќи тој не побарал да се направи суперанализа, така што парите за казната нема да му бидат вратени.
Во минатото исто така имаше наоди дека можеби постои ГМО во примерок пченка за пуканки, но и тој случај не беше потврден од суперанализата на лабораторија во странство. Така, до сега имало само сомнение но не и потврда.
АХВ минатиот месец до Владата достави предлог-правилник за ГМО храна, кој доколку се усвои ќе се дозволи продажба на храна со минимални модификации.