КУПУВАМ ДОМАШНО: Повеќе продавници на листата
Објавено во: Економија 24 Јуни, 2020
Министерката за финасии,
Нина Ангеловска информира дека дополнета листата на продавници каде граѓаните ќе може да плаќаат со домашната платежна картичка.
Според неа, на оваа листа сега се и продавниците за текстил, обувки, предмети од кожа, спортска опрема, продавници за книги, за мебел, осветлување, производи за домаќинства.
„Уредбата за домашната платежна картичка беше дополнета и сега граѓаните со домашната платежна картичка може да купуваат домашни производи и услуги во: хотели, одмаралишта, кампови и други објекти за сместување, туристички агенции и оператори, ресторани, достава и подготовка на храна и пијалоци, супермаркети, продавници за храна, пиљари, пекари, мебел, осветлување, производи за домаќинства, книжарници и продавници за книги, спортска опрема, продавници за облека, обувки, предмети од кожа, аптеки и фризерски салони и салони за убавина и други услужни дејности“, потенцира министерката Ангеловска.
На сите производи на кои е наведено „Купувам домашно“ во овие продавници, граѓаните ќе може да платат со домашната картичка.