Kроациа осигурување АД го зајакнува својот капитал
Објавено во: Мои пари 24 Март, 2020
Кроација осигурување АД - Друштво за неживотно осигурување доби одобрение од Комисијата за хартии од вредност да ја издаде третата емисија на акции по пат на приватна понуда.
Станува збор за 12.000 обични акции со номинална и продажна вредност од 100 евра по акција, со вкупен износ на емисијата од 1.200.000 евра.
Третата емисија е наменета за познат купувач - институционалниот инвеститор CROATIA osiguranje d.d.Zagreb, кој воедно е и единствен акционер на друштвото.
„Кроација осигурување АД издава нови акции заради зајакнување на капиталот. Зголемувањето има за цел да ја зголеми капиталната база на Компанијата а пред новите проекти и иновации кои брендот ги подготвува за проширен настап на македонскиот осигурителен пазар. Целта е да се доближиме повеќе до македонските граѓани со незадолжителните класи на осигурување и да ја зајакнеме позицијата на брендот кој веќе 15 години успешно работи на македонскиот осигурителен пазар“ - велат од Компанијата.