Кривични пријави добија малолетници за намерно палење контејнери во Тетово
Објавено во: Македонија 10 Мај, 2021
Кривични пријави се поднесени против малолетници за намерно палење контејнери.
Ова го сториле во текот на минатиот месец во Тетово.
„Секторот за внатрешни работи Тетово ja расчисти серијата пожари на контејнери кои се случија минатиот месец во Тетово и изготви соодветен поднесок (известување) до Основното јавно обвинителство Тетово против тројца малолетници на возраст од 15 и 16 години од Тетово, а поради сомнение дека сториле три кривични дела: „предизвикување општа опасност“, „непостапување според здравствени прописи за време на епидемија“ и „загадување на животната средина и природа“, казниви по членовите 288, 206 и 218 од Кривичниот законик“, информира портпаролот Марјан Јосифоски.
Малолетниците на 18 и 28 април годинава во вечерните часови предизвикале пожар на неколку контејнери на улиците „Благоја Тоска“, „107“ и „Илинденска“ во Тетово, прекршувајќи ја при тоа и забраната за движење.