Костадинов: Не им се заблагодарувајте на банките
Објавено во: Финансии 31 Март, 2020
Коста Костадинов, портпаролот на СДСМ, им порача на граѓаните да не им се заблагодаруваат ба деловните банки доколку тие им овозможат да не ги плаќаат ратите и каматите во наредниот кризен период.
„Не се заблагодарувајте на банките, поздравете го потегот што некои од нив донирале, но заблагодарете си себеси што сте дел од системот на кредитирање и допринесувате вие лично во оваа криза. А после кризата...Банките би требало да нудат редовно, многу поефтини кредити на граѓаните, согласно прикажаните добивки...Е тогаш ќе се заблагодариме“, напиша пратеникот од редовите на СДСМ на социјалните мрежи.
Владата донесе Уредба со која се утврдува како банките и штедилниците можат во текот на вонредната состојба, на граѓаните и фирмите да им понудат одложување на исплатата на ратите и други поволности со коишто ќе им го олеснат сервисирањето на кредитите за време на корона-кризата